Иванов Школа за Лидери - Алумни Асоцијација ИСЛАА

Иванов Школа за Лидери – Алумни Асоцијација (ИСЛАА) е организација со седиште во Скопје, во којашто живее и се развива духот на преку 400 млади луѓе од Република Македонија и светот коишто се стремат да бидат предводници во соочувањето со предизвиците на современото време. Сите членови доаѓаат од различни културни, етнички и религиски припадности и живеат во Македонија или во други држави на Европа.

ИСЛАА е целосно посветена на исполнување на својата визија, мисија и статут, преку развој и имплементирање на иновативни иницијативи. Знаеме дека малите земји се ограничени територијално и тие неможат територијално да се шират, меѓутоа не се ограничени да се воздигнуваат. Токму поради таа причина членовите на ИСЛАА сносат морална и колективна одговорност да ги поддржат активностите на организацијата во процесот на воздигнување, придржувајќи се кон универзалните принципи на солидарност, еднаквост и взаемно почитување.

Своите цели и задачи ИСЛАА ги остварува преку остварување на конкретни активности, организирање на заеднички проекти, трибини, дебати, тркалезни маси преку воспоставена соработка со организации во приватна и државна сопственост, институции, амбасади, здруженија, алумни организации и асоцијации, како и универзитети.